طريقة عمل الكرواسون


كرواسون

المقادير:


نص كوباية لبن دافي 
3 معالق كبار سكر
معلقة كبيرة خميرة

معلقة كبيرة بيكنج باودر
3 او 3 ونص كوباية دقيق (على حسب ما هيحتاج)
كوباية زبادي
ربع كوباية زيت
رشة ملح


الطريقة:


الخميرة والسكر واللبن الدافي بتقلبوا مع بعض وسيبيهم 10 دقايق يفوروا
بعدين هاتي دقيقك واخلطي معاه رشة الملح والبيكنج باودر بعدين تحطي عليهم خليط الخميرة اللي فار🐀 وبقية المكونات اللي هو الزبادي والزيت واعجني كل ده مع بعضه لغاية ما العجينة تكون طرية ومبتلزقش
سيبيها ساعتين تخمر
بعدين قسميها كور وافردي كل كورة بالنشابة 
وبعدين حطي عليها زبدة في درجة حرارة الغرفة والكورة اللي بعدها نفس الكلام وحطيها فوق اللي قبلها وهكذا وخلي آخر كورة اكبر واحدة
بعدين لما تخلصي هيبقوا كلهم فوق بعض وتفرديهم هيبقوا دايرة كبيرة تقطعيها مثلثات تحطي الحشوة وتلفي المثلث بالعكس سيبيهم يرتاحوا نصاية بعدين على الفرن 
وبالهنا والشفا




0 comments

إرسال تعليق